kepleset

Carios Pengalaman

  Nalika aku kelas 2 SMP, wektu pelajaran keridewe aku nunggu-nunggu bel tanda bali sekolah. Pelajaran dadi krasa sui. Aku ngematke jam terus, ora fokus gatekake pelajaran.
  Akhire, bel tanda bali sekolah muni. Aku banjur beberes siap-siap bali sekolah. Kabeh murid banjur donga bareng-bareng lan pada salaman siji-siji marang gurune. Aku mlayu lan salim sikek dewe. Aku mlayu tumuju lawang banjur lawang iku tak bukak. Dumadakan jubin dadi lunyu. Aku kepleset nglekar ning ngarep lawang kelas ku. Kabeh kanca-kanca padha nggeguyu. Aku isin banget

Manunggalaken Seni Ringit Lan Teknologi

Bantul, www.jogjatvtv — Boten saged dipun selaki, pangrembakaning teknologi rumambah dhateng sedaya kridhaning Masyarakat Indonesia . Makaten ugi ing babagan seni budaya. Samangke teknologi sampun nyawiji kaliyan tradisi. Awit saking punika, para  seniman ugi manunggalaken seni lan teknologi kangge ngripta satunggaling pakaryan ingkang elok lan mranani.

Dinten Rebo (11/5) Rumah Budaya Tembi tembayatan kaliyan Universitas Nasional Singapura nggelar pameran budaya kanthi manungalaken seni lan teknologi. Salebeting kalodhangan kasebat dipun pameraken,  tiga karya seni wohing pakaryan seniman Indonesia , Singapura lan Meksiko.

Karya seni ingkang dipun pameraken inggih punika,  Kelir Interaktif, wohing pakaryanipun Miguel Escobar Varella ingkang nyawisaken 24 video dokumentaasi pagelaran ringit para dhalang  kawentar ing Tanah Jawa. Kangge ningali video boten mawi tombol utawi gadget nanging pamirsa kedah lenggah kados dene dhalang ingkang saweg mbabar lampahan ringgit, antawisipun tancep kayon nancepaken gunungan dhateng debob lan ngungelaken dodogan.

Kajawi   Kelir  Interaktif salabeting kalodhangan kasebat ugi dipun pameraken Wayang Animasi, wohing pakaryanipun Nanang Kancil.ingkang damel keprananipun para pamirsa.
Ing pungkasaning pameran, dipun pameraken karya seni, wohing pakaryanipun, Dosen UGM,  Gea Oswah Fatah Parikesit, ingkang manunggalaken kelir ringgit,  lampu lan tesmak mligi. Nalika ringgit dipun solahaken,  bayangan lampu abrit lan biru ngetingalaken efek 3 dimensi ingkang elok lan cetha ingkang saged  dipun tingali ngangge tesmak mligi. ( Anang Zainuddin )

“Banyu”

Nyerat geguritan!

“Banyu”

Dening : Kelompok 5

Mangsa ketiga iki

Banyu angel ing desaku

Jarak kang adoh dak lakoni

Kanggo golek banyu resik

Keringet kang dadi seksi

Niba tangi dak lakoni

Ngandalake awak kang ringkih iki

Kanthi lilaning ati

Panase srengenge

Ora bakal ddi alangan

Anane saiki

Kebak pangarep-arep tekane udan